Ragashanti on "Old Harbour bisexual mix-up"

Right in the middle of Bisexuality month with the 23rd being bisexuality day comes another trope from controversial online radio man Ragashanti who loves the gossip it seems regarding gay and bisexual issues, why this constant and or steady stream of stories in a supposed homophobic environment? and when these stories come out the participation from the audience quadruples and is far more intense than normal. 

Strange......

Biphobia or just poking fun?

Have a read and see:

Old Harbour bisexual mix-up

with Ragashanti 

Brap! Brap! Brap! Move! Move! Move! Fast! Fast! Fast! An mind unu kin ova! LOL. Mi deh ya. Mi deh ya. Mi deh ya! Wa a gwaan peeps. Right ya now mi jus a give tanx seh mi live through anneda birthday an mi deh ya wid mi belly full. Mi jus bax dung some dumpling wid cabbage weh well steam dung wid black peppa, scotchi peppa, thyme an some oda seasoning. It noice nuh faaleetee! A mi fi tell yuh!

Anywayz, mi waan big up all a unu who celebrate mi birthday wid mi pon Outa Orda! ova Tambareen Radio pon Tuesday night. An tonx to everybody who sen een dem blessings. Mi very grateful fi true. May God bless unu always, an all obeah weh set fi unu get tun back an claat up unu enemies.

Next ting, big up all a unu weh sen on unu responses to di dead matey mix-up. As unu can see fram some a di responses weh mi publish inna Tuesday's Star, dere was a lot a different perspectives. Big up unu self.

Awright, kicky back an medz da mix-up ya fram Old Harbour.

Old Harbour Bisexual Mix-UpRaga mi and dis bwoy did deh enuh. Di bwoy walk and call up mi name behind ma back bout how mi swipe him and mi a lesbian and how nuff man a sort me out. Him all call mi motha and tell mi motha how mi a sort out nuff man and mi swipe him and seh mi wud a sort out mi own motha. Anyways me feeel like —— and thing, fi know seh nuthing nuh guh suh enuh Raga. The bwoy mad, caah all a weh him do, him still a call me bout him love me and want marry me, etc. So Raga u nuh know seh mi a look revenge.

Anyways the bwoy a bi curious. Me run joke wid him and ask if him wud let a man sort him out and him seh no. After a while him seh him wud a love to dweeet. Anyways him call mi one night and mi record the convo how him a seh him want 2 man ram him and him want swipe dem. And mi mek him co-workers dem hear it. Anyways, sum believe and sum nuh believe caah him tell dem seh a me do sinthing pon computer mek it sound like him. Afta that the bwoy still a call me enuh bout him still want relationship. But all I wanted was revenge for what he did. So mi chat to him ova di phone and fren him, until mi seh to him one day fi stop call me and him seh him will do anything fi mi talk back to him and have a relationship.



So mi seh what cums to ur mind that u want to do? Him seh him want a guy sex him. Him seh him want feel all di pain weh mi feel wen him did call up mi name. I said ok. Wen the night cum an him do dat mi record it Raga, and u nuh know seh mi av it pon mi phone and thing. The bwoy then guh tell smaddy how mi swipe him the night. DWL! Who guh tell him fi do that? I circled Facebook with the picture, not the video though. Anyways the bwoy had to run weh; right now him deh a MoBay a hide out. And all dis mawning him call me a ask y mi neva answer him last nite. Damm idiot. If mi record him voice mek people hear, y wudnt I record a video and show people? Idiot! Raga dis happen inna Old Harbour.


Aaaaaay bwoy! First, mi did have fi edit yuh letta cause yuh use a whole heap a hot wud weh cyaan publish inna diStar.

Next: HOW YUH FI SEN MI DA PITCHA DEH WID DI BWOY A SWIPE A NEXT MAN??!! Mi nuh waan see dem ting deh, wid man have dem big helleva sinting deh inna dem mout. Yuh neva did haffi sen di pitcha, di letta was enuff. An look how him face all well exposed an everyting. If a da pitcha deh yuh post pon Facebook, den yuh well cold. A really revenge yuh a tek.

Now hear dis, da bwoy deh a muss mad man fi guh mek yuh sweet talk him an win back him trust an guh sleep wid man roun yuh an mek yuh video it - AFTA YUH DID DONE ALREADY RECORD AN EXPOSE HIM. Is eeda him desperately in love wid yuh fi true or di man mussi dagga out sense out him.
Next: yuh a guh really haad wid di revenge ting, an yuh definitely need to be more careful. Di two a unu fi lowe di almshouse, cause unu may gwaan an gwaan till di ting get wicked an one a unu get physically hurt.

Finally, of course there's much more to di story weh yuh neva share, including details surrounding di fact dat yuh nuh have any problem a sleep wid a man who also loves to sleep wid oda men. A WEH YUH A HIDE??!! Write mi back an tell mi di rest.

Bless up.


Reach Ragashanti at mixupraga@gmail.com or 
PO Box 5866, Liguanea PO, Kingston 6.